Çfarë është kalibrimi ADAS dhe pse ka rëndësi pas ndërrimit të xhamit?

Gjithnjë e më shumë vetura vijnë me sisteme që e ndihmojnë shoferin: paralajmërim për daljen nga korsia, frenim automatik emergjent, njohje të shenjave të trafikut. Shumica e këtyre sistemeve mbështeten në një kamerë që ndodhet pas xhamit të përparmë.

Pse xhami ndikon te kamera?

Kamera e sheh rrugën përmes xhamit. Kur xhami ndërrohet, kllapa që mban kamerën vendoset në një xham të ri. Edhe një devijim prej një shkalle në kënd mund të nënkuptojë disa metra gabim në vlerësimin e distancës më tej në rrugë.

Si kryhet kalibrimi?

Varësisht nga prodhuesi, kalibrimi mund të jetë statik (me tabela kalibrimi në punëtori), dinamik (duke vozitur në rrugë sipas kushteve të caktuara) ose kombinim i të dyjave.

Si ta dini nëse vetura juaj ka nevojë?

Nëse në xhamin e përparmë, pranë pasqyrës, keni një kuti me kamerë, ka shumë gjasa që pas ndërrimit të xhamit të nevojitet kalibrim. Na dërgoni modelin dhe vitin e veturës dhe ne ju tregojmë saktë.