Auto Xhama Center — siguri që shihet
Kompani e specializuar në furnizimin, montimin dhe kalibrimin e xhamave automobilistikë, në Magjistralen Prishtinë–Mitrovicë.
Kush jemi
Auto Xhama Center është një biznes kosovar i specializuar në xhamat automobilistikë. Merremi me shitjen dhe furnizimin e xhamave, me montimin profesional të tyre dhe me kalibrimin e sistemeve ADAS që lidhen me xhamin e përparmë.
Punëtoria jonë ndodhet në Magjistralen Prishtinë–Mitrovicë, Km 4, në Mazgit — lehtësisht e qasshme për klientët nga Prishtina, Mitrovica, Obiliqi, Vushtrria dhe nga e gjithë Kosova.
Çfarë na dallon
Si përfaqësues zyrtar i saint-gobain sekurit, ofrojmë xhama nga një prej prodhuesve më të mëdhenj të xhamave automobilistikë në botë. Por xhami cilësor është vetëm gjysma e punës: montimi i saktë dhe kontrolli i sistemeve të sigurisë pas montimit janë po aq të rëndësishëm.
Prandaj e ndërtojmë punën tonë mbi tri shtylla:
- Distribuim i xhamave cilësorë për klientë individualë dhe për biznese.
- Montim profesional për xhama të përparmë, të pasmë, anësorë dhe panoramikë.
- Teknologji ADAS — kalibrim i kamerave pas ndërrimit të xhamit.
Motoja jonë
“Siguri që shihet!” — sepse xhami i veturës është pjesë e sigurisë suaj dhe e atyre që udhëtojnë me ju.